جبت لكم بعض الاسئلة اللي ترفع الضغط:
وودك تدوس في بطن اللي يسالك
مثــلا :-
أنت بغرفتك منسدح بالسرير ومطفي النور ومتلحف بالبطانيه>>> أحيه يالبرد . . .
يجي أحد أخوانك ويفتح الباب عليك ويقول :- بتنام ! ! !
(( لا برقص ,, أكيد أبنام ))
...........
أنتوا معزومين عند ناس ورحتو لبيتهم وأول ما فتحوا الباب, قال ولدهم :- " جيتــوا العزيمـه "
(( لا عند الاشاره))
...........
والعكس :- أنت لابس ثوبك وكاشخ وماشي بالبيت متجه لباب الشارع ,,
يجي أحد من أهلك وينادي بصوت عالي>>> بتطلع ! ! !
(( لا اجرب الباب هو زين ولالا))
............
أو مثلا راكب السياره وشغلت الموتر شوي وتدوس على البنزين يطلع لك واحد ويدق على الزجاج , ,
أنت بكل ذوق تفتح الجامة وتقوله :- آمر يالحبيب ؟
يقولك :-بتمشي بالسياره ! ! !
(( لا بخمس وأسوي خمسات . . . . أكيد أنا ماشي ))
............
مثلا ماسك سماعه التلفون ويالس تضغط بالأرقام يجي أحد من أهلك ويقولك :-تكلم بتلفوون ! ! !
((لا بصور معه كم صوور تذكاريه , , ))
.............
مثلا :- ماسك دفتر أو كتاب وقاعد تحفظ ومتحمس . . جاء أحد وقالك :- قاعد تذاكر ! ! !
(( لا أفرش اسناني , , , اكيد أذاكر ))
.......
أو مثلا تتسبح بالمسبح بالإستراحه يجي واحد من أصدقائك يمر عليك ويقول :- فلان تسبح ! ! !
(( لا ادغدغ سمكه))
.................
ولا تعالــو شوفو قنواتنا وأسئلتهم البايخة:
مثلا بالعيد جايـيـن يقابلون مع الناس شوفو حوارتهم :-
المذيع :- مرحبا عرفنا على أسمك ؟
المواطن :- فلان الفلاني . . . . .
المذيع :- وش تقول لأهلك بالعيد ؟ ! ! !
المواطن :- أقولهم كل عام وأنتم بخير . .
(( لا منه المال ومنها العيال))
...................
والأسخف من هالبديهيات اللي تضيع وقتنا إذا قابلو مع الاطفال , , ,
يقول المذيع للطفل :- أنت تحب ماما وبابا ! ! !
(( لا احبك))
...............
المذيع :- أيش تسوي بالعيد أكيد تروح لأهلك تسلم عليهم وتقولهم كل سنه وأنتو طيبين ! ! !
(( لا بروح أكفخهم وأسوي ظرابه , , , أكيد بعايدهم ))
...........
واحد شاايل شنطته ومتجه عند بوابه المطار ويشووفه صديقة بالصدفه هلا والله اعلومك اخبارك شو تسووي في المطار بتسافر؟
((لا والله جاي اشوف مباراة المنتخب... اكيد اني بسافر))