دام الشّهد آيات سكّر شفايفْك
القلب نحْله جابها الشّهْد يمّك
لكل إنسـان ذوقه الخاص
وهذه احدى القصائد التي اخترتها على ذوقي
قصيده للآمانه تفرض على كل شخص صاحب ذوق راقي
ان يقف امامها ويقراهاا ويكرر قرآتهااا
لكن مايؤسفني انني لا اعرف شـاعرها
اترككم مع قصيده بعنوان*** سكــر شفايفك***
وإني لـ أظن ان عنوانها يكفي للوقوف
اتمنى ان تنال اعجابكم
***سكر شفايفك ***
تدْري النّحل لو ذاق سكّر شفايفْـك
يتْرك رحيق الـورْد وإيحـط يمّـك
وذاك البرد لو شاف لمْعة رهايفْـك
يذوب غيره لانظـر صـوب فمّـك
حتى القمر صار إيتمنّى وصايفْـك
والّليل ودّه وسْط حضنـه يضمّـك
سبْحانه اللي من حلا, الكون قاطفْك
كمّلـك ربّـي ياحبيبـي و تـمّـك
شعْرك إلْيـا منّـك تثنّيـت لحّفْـك
والـورْد ذاب وودّه إنّـه يشـمّـك
انت الغنـج والـدّل نـاد, بتهنّفْـك
من زود زينك خوف تحْسدْك أمّـك
شاعرك بإحساسه عجز لايوصّفْـك
لنّك جمعْت الزّين فـي راس كمّـك
ياويش أوصّف بك قوامك,سوالفْـك
كلّك جميـل وميّـزك خـفْ دمّـك
جرْأة عيونك في هدبهـن وخايفْـك
لاسلْهمن ترْسل بهن سهم سمّـك
وأنا بقتـل الـرّوح قابـل تأسّفْـك
فدْوى العيـون وأنـت ولايهمّـك
دام الشّهد آيـات سكّـر شفايفْـك
القلب نحْله جابهـا الشّهْـد يمّـك
موضوع: ***((سكر شفايفك))*** 
الإثنين أغسطس 11, 2008 2:11 am
